អ្នកនឹងក្លាយជាមហាសេដ្ឋី


គ្រាន់​តែ​លឺ​គេ​និយាយ​បែប​នេះ អ្នក​ណា​ក៏​សប្បាយ​ចិត្ត​ដែរ។

តើ​អ្នក​ធ្លាប់​ត្រូវ​គេ​អូស​ទាញ​អោយ​ទិញ​នាឡិកា វត្ថុ​អនុស្សាវរីយ៍ ក្នុង​តំលៃ​ថ្លៃ​រឺ​ទេ? ឧបមា​ថា 600ដុល្លា។ គេ​បញ្ចុះ​បញ្ចូល​អ្នក​ថា បើ​អ្នក​ទិញ​របស់​នេះ ហើយ​អ្នក​រក​បាន​សមាជិក​ថ្មី​៣​នាក់​បន្ថែម​ទៀត ហើយ​សមាជិក​ថ្មី​នោះ​រក​បាន​សមាជិក​ថ្មី​បន្ថែម​ទៀត ។ល។ នោះ​អ្នក​នឹង​ក្លាយ​ជា​មហា​សេដ្ឋី!!!!!!!!!
កាងារ​របស់​អ្នក​មាន​តែ​រក​សមាជិក​អោយ​បាន​៣​នាក់​ប៉ុណ្ណោះ ក្រៅ​ពី​នេះ​ដេក​នៅ​ផ្ទះ ក្រោយ​មក​អ្នក​នឹង​ក្លាយ​ជា​ មហា​សេដ្ឋី!!!!!!!!! មហា​សេដ្ឋីណា!!!!!!!!!

មាន​មនុស្ស​ខ្លះ​ជឿសំដី​ទាំង​នេះ ហើយ​សប្បាយ​ចិត្ត ជា​មួយ​នឹង​ក្តី​ស្រមៃ​ឥត​ព្រំ​ដែន។

តែ​ក៏​មាន​មនុស្ស​ភាគ​ច្រើ​ន​ បាន​យល់​ភ្លាម​ថា នេះ​គ្រាន់​តែ​ជា​ល្បិច​បោក​ប្រា​សតែ​ប៉ុណ្ណោះ។ បើ​អ្នក​យល់​ថា​វា​ជា​ការ​បោក​ប្រាស់ តើ​អ្នក​ធ្លាប់គណនា​អំពី​ផល​ខូច​ខាត​នៃ​ទង្វើ​នេះ​ដល់​សង្គម​ដែរ​រឺ​ទេ?
ខាង​ក្រោម​នេះ​ជា​ការ​បក​ស្រាយ​ បង្ហាញ​ល្បិច​អស់​នោះ ព្រម​ទាំង​ផល​វិបាក​របស់​វា​ដល់​សង្គម​ខ្មែរ។
សង្ឃឹម​ថា អ្នក​គិត​បន្តិច​នឹង​យល់។

គំនិត​អស់​នេះ​គេ​ហៅ​ថា Pyramid scheme។ ខាងក្រោម​នេះ​ ខ្ញុំ​នឹង​លើក​យក​ គោល​សំខាន់​២ មក​និយាយ។

១) ប្រព័ន្ធ​កូន​៨

បុរសA ទិញ​វត្ថុអនុស្សាវរីយ៍​ពីក្រុមហ៊ុនក្នុង​តំលៃ C=C_{1}+C_{2}+C_{3} ដែល C_{1} ជា​ថ្លៃ​ដើម C_{2} ជា​ថ្លៃ​ត្រូវ​ចំនេញ​តាម​ច្បាប់​រកស៊ី និង C_{3} ជា​ថ្លៃ​កោរ​ពី​លើ រឺ​សំរាប់​ដំនើរ​ការ​ប្រព័ន្ធ​នេះ។ ឧបមា​ថា C=600 , C_{1}=100 , C_{2}=20 , C_{3}=480 ដុល្លារ។

សន្មត​ថា​បុរស A ស្ថិត​នៅក្នុង​ជំនាន់​ទី​០។ បុរស A ត្រូវ​រក​កូន​ពីរ​នាក់​ទៀត​គឺ B និង C មានន័យ​ថា B និង C ត្រូវ​ទិញ វត្ថុអនុស្សាវរីយ៍​ពីក្រុមហ៊ុនក្នុង​តំលៃ C។ B និង C នៅក្នុង​ជំនាន់​ទី​១។

ដើម្បី​អោយ​ប្រព័ន្ធ​នេះ​រស់ B និង C ត្រូវ​រក​កូន​ម្នាក់​២​ទៀត ហើយ​កូន​នោះ​ត្រូវ​រក​កូន​ម្នាក់​២ទៀត ជា​បន្ត​បន្ទាប់។
ដល់​ត្រឹម​ជំនាន់​ទី៣ បង្កើត​បាន​កូន​ចៅ​នៅ​ជំនាន់​ទី​៣​នេះ​ចំនួន​៨​នាក់។ ដូច្នេះ A ត្រូវ​ដក​យក​លុយ​ចំនួន C_{3}=480​ដុល្លារ ពីកូន​ម្នាក់​ៗ នៃ​ជំនាន់​ទី​៣​នេះ មានន័យ​ថា​បាន​លុយ​សរុប 8C_{3}=3600ដុល្លារ។ ដូច្នេះ A ចំនេញ​បាន 3600-600=3000​ដុល្លារ។ បន្ទាប់​ពី​ទទួល​បាន​លុយ​នេះ​ហើយ A ត្រូវ​ឈប់​ រឺ​ចាក​ចេញ។

ឧបមា​ថា ប្រព័ន្ធ​នេះ​រស់​ត្រឹម ជំនាន់ទី៤ នោះ B និង C ត្រូវ​ទទួល​បានប្រាក់ 8C_{3}=3600ដុល្លារ ដូច A ដែរ។ តែ​មនុស្ស​ជំនាន់​ទី​២ ៣ និង​ទី៤ សុទ្ធតែ​ខាត​ទាំងអស់។
ឧបមា​ថាប្រព័ន្ធ​នេះ​រស់​បាន​ត្រឹម​ជំនាន់​ទី n។ នោះ​មនុស្ស​ជំនាន់​ទី n, n-1, n-2 សុទ្ធ​តែ​ខាត​ទាំងអស់។ ពួក​គេ​មាន​ចំនួន​ ជា​សរុប 2^{n}+2^{n-1}+2^{n-2}=7.2^{n-2} នាក់។ ពួក​គេ​ទាំងអស់​គ្នា​ម្នាក់​ៗ​ខាត​ប្រាក់​អស់ C_{3}=450ដុល្លារ។ ជាសរុប​ទាំងអស់​គ្នា​ខាត​អស់ 7.2^{n-2}C_{3}។ ចំនួន​មនុស្ស​សរុប​ដែល​ចូល​រួម​ក្នុង​ប្រព័ន្ធ​នេះ គិត​ពី​ជំនាន់​ទី 0. មក​ត្រឹម​ជំនាន់​ទី n មាន​ចំនួន 1+2^{1}+2^{2}+\dotsi+2^{n}=2^{n+1}-1នាក់។ ដូច្នេះ​ភាគ​រយ​អ្នក​ខាត​មាន​ចំនួន
\displaystyle \frac{7.2^{n-2}}{2^{n+1}-1} >\frac{7.2^{n-2}}{2^{n+1}}=\frac{7}{8}=87.5\%

ចុះ​បើ​ប្រព័ន្ធ​នេះ​រស់​ជា​រហូត​វិញ?
ឧបមា​ថា ប្រព័ន្ធ​នេះ​ដំនើរ​ការ​តែ​ក្នុង​ប្រទេស​កម្ពុជា ហើយ​សន្មត​ថា ប្រជាជន​កម្ពុជា​សរុប​ទាំងអស់ 13 លាន​នាក់​ចូល​រួម​ក្នុង​ប្រព័ន្ធ​នេះ។ ចំនួន​មនុស្ស​ដែល​ចូល​រួម​ក្នុង​ប្រព័ន្ធ​នេះ​គិត​ត្រឹម​ជំនាន់​ទី n មាន​ចំនួន​សរុប p=2^{n+1}-1។ បើ p \geq 13.10^{6} នោះ n\geq 22.6 ដូច្នេះ​មានន័យ​ថា ប្រព័ន្ធ​អាច​រស់​បាន​យ៉ាង​ច្រើន​បំផុត​ត្រឹម 22 ជំនាន់។ ហើយ​បើ​វា​អាច​រស់​បាន​ដល់ 22 ជំនាន់ មែន ​នោះ​ចំនួនអ្នក​ខាត​បង់​មាន 7.2^{n-2}=7 លាន​នាក់!!!!! គិត​ជា​ទឹក​ប្រាក់ ខាត​បង់​អស់ 7.10^{6}C_{3}=3150 លាន​ដុល្លា។
២) ប្រព័ន្ធថែម​​កូន២
២.១) សេចក្តីផ្តើម
ប្រព័ន្ធ​នេះ​បរិមាណ​ប្រាក់​ចំនេញ​មាន​កំរិត​ខ្លាំង​ជាង​ប្រព័ន្ធ​កូន​៨ដាច់ ហើយ​អាច​និយាយ​ថា មិន​កំនត់​បាន (ករណី​មុន កំនត់​ត្រឹម 8C_{3}=3600​ដុល្លារ)។ ប្រព័ន្ធ​ថែម​កូន​២ជា​ប្រព័ន្ធ​ពេញ​និយម​បំផុត។
លើ​រូប​ខាង​ក្រោម លេខ 0 តាង​អោយ​ ក្រុមហ៊ុន។ សន្មត​ថា​សមាជិក​លេ​ខ​១ ចុះ​ឈ្មោះ​នៅ​ក្រុម​ហ៊ុន​ដែល​បង្កើត​ប្រព័ន្ធ​នេះ នៅ​ជំនាន់​ទី​០។ ឧបមា​ថា នៅ​ជំនាន់​ទី​០ មាន​តែ​សមាជិក​លេខ​១​នេះ​ម្នាក់​ប៉ុណ្ណោះ។
បន្ទាប់​មក​ទៀត​សមាជិក​លេខ​១​នេះ​ត្រូវ​រក​កូន​អោយ​បាន​យ៉ាង​តិច​៣ គឺ​លេខ​២ ៣ និង លេខ​៤ ដែល​ស្ថិត​នៅ​ជំនាន់ទី​១។ ​លេខ​២ និង លេខ​៣ ត្រូវ​ដាក់​ជា​កូន​របស់​​លេខ​០ (ក្រុម​ហ៊ុន) និង​ ​លេខ​​៤ ត្រូវ​បាន​ទៅ​លេខ​១។
ឧបមា​ថា​លេខ​២ ៣​ និង ៤ រក​បាន​កូនចៅ​ទៀត​។
លេខ​២រក​បាន​កូន៖៥ ៦ ៧។ ដោយ​២​ជា​កូន​លេខ​០ នោះ លេខ​ ៥ និង​លេខ​៦​បាន​ទៅ​លេខ​០ ហើយ​លេខ​៧ បាន​ទៅ​លេ​ខ២។
លេខ​៣​រក​បាន​កូន៖ ៨ ៩ ១០។ ដោយ​៣​ជា​កូន​លេខ​០ នោះ លេខ​ ៨ និង​លេខ​៩​បាន​ទៅ​លេខ​០ ហើយ​លេខ១០ បាន​ទៅ​លេ​ខ៣។
លេខ​៤​រក​បាន​កូន៖ ១១ ១២ ១៣។ ដោយ៤​ជា​កូន​លេខ​១ នោះ លេខ​ ១១ និង​លេខ១២​បាន​ទៅ​លេខ​១ ហើយ​លេខ១៣ បាន​ទៅ​លេ​ខ៤។

ជំហាន​បន្ត​បន្ទាប់​មក​ទៀត ចូរ​ពិនិត្យ​រូប​ខាង​ក្រោម។


បើ​យើង​តាម​ដាន​ចំនួន​កូន​របស់​សមាជិក​លេខ​១ យើង​ឃើញ​ថា៖
– ជំនាន់ទី១ បាន​កូន 1=3^{0}
– ជំនាន់ទី២ បាន​កូន 3=3^{1}
– ជំនាន់ទី៣ បាន​កូន 9=3^{2}
ដូច្នេះ​គិត​ត្រឹម​ជំនាន់​ទី​៣ កូន​របស់​លេខ​១ មាន 1+3+9=13។ ដូចគ្នា​កូន​របស់​លេខ​ ២ ៣ និង ៤ មាន​ចំនួន 1+3=4។ល។
ឧបមា​ថា​ប្រព័ន្ធ​នេះ​រស់​រហូត​ដល់ ជំនាន់ទី n ដោយ​គិតថា​​លេខ​១​នៅ​ជំនាន់​ទី​០។ នោះ
កូន​របស់​លេខ​១​មាន​ចំនួន \displaystyle 1+3+3^{2}+\dotsi+3^{n-1}=\frac{3^{n}-1}{2}
កូន​របស់​លេខ​ 2 3 និង 4 មាន​ចំនួន \displaystyle \frac{3^{n-1}-1}{2}
ចំនួន​មនុស្ស​សរុប​ដែល​ចូល​រួម​រហូត​ដល់​ជំនាន់​ទី n មានចំនួន
\displaystyle 1+3+3^{2}+\dotsi+3^{n}=\frac{3^{n+1}-1}{2}

២.២)លុយ! លុយ!
សន្មត​ថា ប្រជាជន​កម្ពុជា​សរុប​ទាំងអស់ 13 លាន​នាក់​ចូល​រួម​ក្នុង​ប្រព័ន្ធ​នេះ។ ដូច្នេះ n ធំ​បំផុត​កំនត់​ដោយ
\displaystyle \frac{3^{n+1}-1}{2}=13.10^{6}
n=14
ដូច្នេះ​សមាជិក​លេខ​១ អាច​រក​ប្រាក់​បាន​រហូត​ដល់
\displaystyle \frac{3^{14}-1}{2}C_{3}=2391484C_{3}=1148លាន​ដុល្លា។
ដូច្នេះ​សមាជិក​លេខ​២ ៣ ៤ អាច​រក​ប្រាក់​បាន​រហូត​ដល់
\displaystyle \frac{3^{13}-1}{2}C_{3}=797161C_{3}=382 លាន​ដុល្លា។
ដូច្នេះ​សមាជិក​លេខ​៥ ៦ ៧ អាច​រក​ប្រាក់​បាន​រហូត​ដល់
\displaystyle \frac{3^{12}-1}{2}C_{3}=265720C_{3}=127លាន​ដុល្លា។

សមាជិក​ក្រោយ​គេ​សុទ្ធ​តែ​ជា​អ្នក​ខាត​ទាំងអស់។ សមាជិក​នោះ​មាន​ចំនួន 3^{n}=4.7 លាន​នាក់។ អ្នក​ទាំង​នោះ​ខាត​ប្រាក់​ជា​សរុបអស់ 3^{n}C_{3}=2295 លាន​ដុល្លា ច្រើន​ជាង​ប្រាក់​ជំនួយ​ដល់​រដ្ឋាភិបាល​ខ្មែរ​ច្រើន​ណាស់។
ការ​គណនា​ខាង​លើ​នេះ​ដោយ​សន្មត​ថា ក្រុមហ៊ុន​ដំបូង​រក​កូន​បាន​តែ​សមាជិក​លេខ​១ ប៉ុណ្ណោះ។ ចុះ​បើ​ក្រុម​ហ៊ុន​នេះ​រក​បាន​សមាជិក​នៅ​ជំនាន់​ទី​០ បាន​១០​នាក់​វិញ?។ នោះ​ចំនួន​សមាជិក​សរុប​រហូត​ដល់​​ជំនាន់​ទី n មាន៖ 10 \displaystyle \frac{3^{n+1}-1}{2} ដូច្នេះ n ធំ​បំផុត​កំនត់​ដោយ
\displaystyle 10\frac{3^{n+1}-1}{2}=13.10^{6}
n=12
មិន​សូវ​ជា​ខុស​គ្នា​ច្រើន​ពី​ករណី​មុនប៉ុន្មាន​ទេ។
ចុះបើ​ប្រព័ន្ធ​នេះ​ដំនើរ​ការ​តែ​ក្នុង​ក្រុង​ភ្នំពេញ​វិញ?។
ចំនួន​ប្រជាជន​ក្នុង​ក្រុង​ភ្នំពេញ​សន្មត​ថា មាន ២លាននាក់។ ដូច្នេះ​បើ​ពី​ដំបូង​ក្រុមហ៊ុន​រក​បាន​មនុស្ស​១០​នាក់ នោះ n ធំ​បំផុត​កំនត់​ដោយ
\displaystyle 10\frac{3^{n+1}-1}{2}=2.10^{6}
n=10
ដូច្នេះ​បើ​ប្រព័ន្ធ​នេះ​ដំនើរការ​ក្នុង​ក្រុង​ភ្នំពេញ ហើយ​មាន​មនុស្ស​រហូត​ដល់ ២លាននាក់ ចូល​រួម នោះ​សមាជិក
ជំនាន់​ទី​១០ រក​បាន(រក​បាន​កូន​ចៅ ០​តំន)
\displaystyle \frac{3^{10-10}-1}{2}C_{3}=0ដុល្លា។ ខាត 480ដុល្លារ
ជំនាន់​ទី​៩ រក​បាន(រក​បាន​កូន​ចៅ ១​តំន)
\displaystyle \frac{3^{10-9}-1}{2}C_{3}=480ដុល្លា។ រួច​ដើម តែ​ត្រូវ​ជំនាន់​ទី​១០​ប្តឹង​ដាក់​គុក។
ជំនាន់​ទី​៨ រក​បាន(រក​បាន​កូន​ចៅ ២តំន)
\displaystyle \frac{3^{10-8}-1}{2}C_{3}=1920ដុល្លា។ ចំនេញ​បាន 1920-480=1440ដុល្លារ។
ជំនាន់​ទី​៧ រក​បាន(រក​បាន​កូន​ចៅ ៣​តំន)
\displaystyle \frac{3^{10-7}-1}{2}C_{3}=6240ដុល្លា។ ចំនេញ​បាន 6240-480=5760ដុល្លារ។
ជំនាន់​ទី​6 រក​បាន(រក​បាន​កូន​ចៅ ៤​តំន)
\displaystyle \frac{3^{10-6}-1}{2}C_{3}=19200ដុល្លា។ ចំនេញ​បាន 19200-480=18720ដុល្លារ។
ជំនាន់​ទី​5 រក​បាន(រក​បាន​កូន​ចៅ ៥តំន)
\displaystyle \frac{3^{10-5}-1}{2}C_{3}=58080ដុល្លា។ ចំនេញ​បាន 58080-480=57600ដុល្លារ។
ជំនាន់​ទី4 រក​បាន(រក​បាន​កូន​ចៅ ៦តំន)
\displaystyle \frac{3^{10-4}-1}{2}C_{3}=174720ដុល្លា។ ចំនេញ​បាន 174720-480=174240ដុល្លារ។
ជំនាន់​ទី3 រក​បាន(រក​បាន​កូន​ចៅ 7តំន)
\displaystyle \frac{3^{10-3}-1}{2}C_{3}=524640 ដុល្លា។ ចំនេញ​បាន 524640-480=524160ដុល្លារ។
ជំនាន់​ទី2 រក​បាន(រក​បាន​កូន​ចៅ 8តំន)
\displaystyle \frac{3^{10-2}-1}{2}C_{3}=1.5លាន​ដុល្លា។
ជំនាន់​ទី1 រក​បាន(រក​បាន​កូន​ចៅ ៩តំន)
\displaystyle \frac{3^{10-1}-1}{2}C_{3}=4.7លាន​ដុល្លា។
ជំនាន់​ទី​០ រក​បាន (រក​បាន​កូន​ចៅ ១០តំន)
\displaystyle \frac{3^{10}-1}{2}C_{3}=29524 C_{3}=14លាន​ដុល្លា។

២.៣) អ្នក​ខាត​បង់

ឧបមា​ថា​ដើម​ដំបូង​ក្រុម​ហ៊ុន​រក​បាន​សមាជិក​ជំនាន់ទី​០ ចំនួន n_{0}នាក់។ រហូត​មក​ដល់​ជំនាន់​ទី n មាន​មនុស្ស​ចំនួន \displaystyle n_{0}(1+3+\dotsi+3^{n})=n_{0}\frac{3^{n+1}-1}{2} ។ចំនួន​អ្នក​ខាត​បង់​មាន​ចំនួន n_{0}3^{n}។ គិត​ជា​ភាគ​រយ​មាន
\displaystyle \frac{2.3^{n}}{3^{n+1}-1} > \frac{2.3^{n}}{3^{n+1}}=\frac{2}{3}=66\%
ចំនួន​ទឹក​ប្រាក់​ខាត​បង់ មាន n_{0}3^{n}C_{3}

៣) តើ​ការ​រក​ស៊ី​របស់​ក្រុមហ៊ុន​នេះ​ខុស​ច្បាប់​រឺ​ទេ?

ខ្ញុំ​មិន​ដឹង​ថា​ច្បាប់​ស្រុក​ខ្មែរ​យ៉ាង​ម៉េច​ទេ។ តែ​បើ​តាម​ច្បាប់​នៅស្រុក​ខ្លះ បើ​សិន​ជា C_{3} \geq 0 នោះ​ក្រុម​ហ៊ុន​នេះ​ប្រព្រឹត្តិ​ខុស​ច្បាប់។

៤) តើ​អ្នក​គួរ​តែ​ចូល​រួម​នឹង​ការ​រក​ស៊ី​របៀប​នេះ​ទេ?

ទង្វើ​បែប​នេះ​បាន​ផល​ប្រយោជន៍​ដល់​អ្នក​តែ​ក្នុង​ករណី C_{3}\geq 0 តែ​ប៉ុណ្ណោះ រឺ​បើ​មិន​អញ្ចឹង​ទេ វត្ថុ​ដែល​អ្នក​ត្រូវ​ទិញ​នោះ អ្នក​ត្រូវ​ការ​វា​ចាំ​បាច់ ហើយ​មាន​តំលៃ​សមរម្យ។
តែ​ក្នុង​ករណី C_{3}\geq 0 អ្នក​ត្រូវ​ពិនិត្យ​ថា៖
១) អ្នក​មិន​មែន​ជា​មនុស្ស​ជំនាន់​ចុងក្រោយ​ទេរឺ?
២) តើ​អ្នក​ប្រាកដ​ជា​អាច​រក​បាន​មនុស្សច្រើន​ជាង​មួយ​ជំនាន់​រឺ​ទេ?
៣) អ្នក​បាន​គិត​ដល់​អ្នក​ជំនាន់​ចុង​ក្រោយ​គេ​ដែរ​រឺ​ទេ? អ្នក​ទាំង​នោះ​នឹង​ខាត​បង់​ទាំង​អស់​គ្នា។ អ្នក​បាន​ចូល​រួម​បោក​ប្រាស់​អ្នក​ដទៃ​ជា​មួយ​នឹង​ឈ្មួញ​ទុច្ចរិត។ តើ​ខុស​អ្វី​ពី​រក​ស៊ី​ធ្វើ​ចោរ​?។
៤) កុំ​រំពឹង​លុយ​ដែល​រក​បាន​ដោយ​ងាយ​ៗ​ ពេក។ ព្រោះ​វា​អូស​ទាញ​អ្នក​អោយ​ធ្លាក់​ចូល​ក្នុង​ល្បិច​កល។
នេះ​គ្រាន់​តែ​យោបល់​របស់ខ្ញុំ​តែ​ប៉ុណ្ណោះ។
ឯកសារ​បង្អែក

១) Wikipedia- http://en.wikipedia.org/wiki/Pyramid_scheme

២) http://www.mathmotivation.com/money/pyramid-scheme.html

\LaTeX

Advertisements

About វិចិត្រ

ជា​ខ្មែរ​ម្នាក់ ជា​មនុស្ស​ម្នាក់ ធម្មតា​ដូច​មនុស្ស​ឯ​ទៀត​ដែរ
អត្ថបទនេះត្រូវបាន​ផ្សាយក្នុង គណិតវិទ្យា​, វប្បធម៌​ទូទៅ។ ប៊ុកម៉ាក តំណភ្ជាប់​អចិន្ត្រៃ​យ៍​

5 Responses to អ្នកនឹងក្លាយជាមហាសេដ្ឋី

  1. Yaya Rithya ថា:

    Hello bong 2day i feel I got alots knowledge from your website. This problem I had met also, and now my mum know she not allow me 2 do. But it is not 600$, it just 45$ to pay with studying. but now it is increase to 100 $ more. I not sure also, because i never ask the price of this also. But i think it is good also, because I can get a lot knowledge from their. I know it is cheat , but i still do again and again. Now i stopped do also, but I paid 45$ to study 1year at their, about English conversation 3months , Translation 3months , Grammar months and Computer 3months also. 1year for studying at their, i know a lots about people around me, I change a lot attitude.
    Ex: Before I am not talkative person, i am the silent people. My mum always blame me that “How can I live with all the people If my Attitude so bad like this”.

    Now I still like before I am afraid to do everything around me, before when I was studying Math at RULE, I don understand how 2 do DZ/DYDX , I asked the teacher after that he blame me a lot. I don know how to do, so i cried, but nobody know me cried te…

    I think I am very weak, and when I stay at home i never talk or play with person around me, I really afraid I do it wrong…. I always go to play internet or stay at out , sometime I stay at riverside alone ( because i don have friend). Until 8:30pm I will go back home(because i study at RULE from 5:30pm – 8:30pm). I feel lonely, I know myself. and the school that use system they give the warm 2 me, give me know what is the love, how to love, how to smile or laugh…. At their gave me a lot thing, but they still lie me…… I really hopeless so much. Now I feel tired, sometime I 12cry….

    sorry that tell bong a lots like this, but I think this school for me also good. Because can give me know the warm of the love. I really need it, because i never got it since i study grande 3..

    Good luck with you and your family
    Thanks 4 your reading.
    Best regard…

    • សួស្តី​ Rithya,
      ថ្វី​ត្បិត​តែ​មាន​ពាក្យ​ចាស់​លោក​ថា នៅ​ស្ងៀម​ប្រសើរ​ជាង​ស្រដី តែ​ការ​និយាយ​ស្តីបង្ហាញ​ពី​គំនិត​របស់​យើង​ជា​ភាព​ចាំ​បាច់​មួយ។ វា​ជា​មធ្យោបាយ​បង្ហាញ​ពី​ការ​គិត​របស់​យើង ពី​ភាព​ពេញ​ចិត្ត​មិនពេញ​ចិត្ត។ បើ​យើង​មិន​និយាយ​ចេញ​មក យើង​ជា​មនុស្ស​អាថ៌កំបាំង។ តែ​បើ​យើង​និយាយ​ខុស និយាយ​មិន​ត្រូវ​កាលៈទេសៈ យើង​នឹង​ទទួល​នូវ​ក្តី​អាម៉ាស់។….
      តែ​ព្រោះ​តែ​ខ្លាច​ខុស យើង​មិន​ហ៊ាន​សាក​ល្បង​រឺ? ខ្ញុំ​ក៏​ជា​មនុស្ស​មិន​ចេះ​និយាយ​ស្តី​អី​ច្រើន​ដែរ។ ជួន​កាល​មួយ​ថ្ងៃ​ ខ្ញុំ​សឹង​តែ​មិន​និយាយ​មួយ​ម៉ាត់​ផង (ទើប​តែ​រៀប​ការ​ហើយ បាន​មាន​គ្នានិយាយ​លេង បើ​មិន​អញ្ចឹង​ទេ និយាយ​លេង​ជា​មួយ​កូន :D)។
      .
      បើ​យើង​គិត​ថា​ខ្លួន​ឯង​ខ្សោយ យើង​នឹង​កាន់​តែ​ខ្សោយ​ទៅ​ទៀត។
      យើង​ច្រើន​មាន​ទុក្ខ​ព្រួយ បើ​មាន​តែ​ម្នាក់​ឯង ហើយ​កាន់​តែ​ទុក្ខ​ព្រួយ។ តែ​បើ​មាន​នរណា​ម្នាក់និយាយ​លេង​ជា​មួយ នឹង​បាន​រសាយ។

      Don’t stay at river side alone: គ្រោះ​ថ្នាក់​ណាស់។

      សូម​ប្អូន សាក​ល្បង​យក Internet ជា​មធ្យោបាយ​បញ្ចេញ​ទុក្ខ​ព្រួយ បញ្ចេញ​យោបល់ ទស្សនៈ​របស់​ប្អូន…។ ប្អូន​អាច​សរសេរ​ដោយ​លាក់​ឈ្មោះ​ក៏​បាន បើ​សិន​ជា​ប្អូន​មាន​ការ​ខ្មាស់​អៀន…។ អ្នក​ផ្សេង​គេ​អាន​អត្ថបទ​របស់​ប្អូន គេ​នឹង​វាយ​តំលៃ គេ​រិះគន់ យើង​តប​ទៅ​វិញ… ពេល​នោះ ប្អូន​នឹង​ឃើញ​របៀប​រស់​នៅ​ថ្មី​មួយ។
      ខ្ញុំ​សូមrecommend ប្រើ​wordpress (ជា​ភាសា​ខ្មែរ​)ជា​ជាង blogspot ព្រោះblogspot ជា​ភាសា​អង់គ្លេស​មានច្រើន​ពេក ដូច្នេះ​គេ​មិន​សូវ​អាន​ដល់​អត្ថបទ​របស់​យើង​ទេ តែ​បើ​យកwordpress ជា​ភាសា​ខ្មែរ អត្ថបទ​របស់​យើង​ងាយ​លេច​ចេញ​ក្នុង​ចំនោម​អត្ថបទ​ខ្មែរដទៃ​ទៀត។​​

  2. Yaya rithya ថា:

    Sorry bong, I don know how 2 write in khmer te. so can bong teach me how 2 create the wordpress. I will wait bong teach me, and give me some of experience that bong had met ban te??? I really 12listen about bong story maybe romantic hey right te?

    Oh! I not good of computer skill te, so bong can teach me one by one na bong….

    Thanks for bong.
    Best regard.

  3. rotanak ថា:

    អរគុណណាស់សំរាប់ការស្រាវជ្រាវដ៏មានសារៈប្រយោជន៍នេះ។សង្ឃឹមថាប្រជាជនខ្មែរអាចស្វែងយល់ពី Network marketing, Multi Level Marketing, Ponzi/Pyramid scheme នេះបានកាន់តែច្រើន។សង្ឃឹមថារដ្ឋាភិបាលគួរមានវិធានការបន្ទាប់មួយទាក់ទងជំនួញរបៀបនេះ។

ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out / ផ្លាស់ប្តូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out / ផ្លាស់ប្តូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out / ផ្លាស់ប្តូរ )

Google+ photo

អ្នក​កំពុង​បញ្ចេញ​មតិ​ដោយ​ប្រើ​គណនី Google+ របស់​អ្នក​។ Log Out / ផ្លាស់ប្តូរ )

កំពុង​ភ្ជាប់​ទៅ​កាន់ %s