បញ្ចតន្ត្រ(៦)
មាតិកា \ រឿងនិទាន\ បញ្ចតន្ត្រ\…
រឿង “ ពស់វែក និង ក្អែក”
នៅកន្លែងមួយក្នុងប្រទេសមួយ លើដើមពោធិមួយដើម មានក្អែកមួយគូរស់នៅទីនោះ ពួកវាជាប្តីប្រពន្ធនិងគ្នា។ រាល់ពេលដែលក្អែកញីពង ពស់វែកខ្មៅមួយក្បាល វារតាមរន្ធក្នុងដើមពោធិ ឡើងមកស៊ីពងរបស់ក្អែក។
នៅជិតនោះ ក្រោមដើមពោធិមួយដើមទៀតមានឆ្កែព្រៃមួយក្បាល។ ពួកក្អែកនិយាយប្រាប់វាគ្រប់រឿងទាំងអស់។ ពួកវានិយាយនឹងឆ្កែព្រៃនោះថា
“ មិត្រសម្លាញ់! ពស់វែកខ្មៅវារតាមរន្ធដើមពោធិ មកស៊ីកូនរបស់យើង។ តើឯងថាធ្វើម៉េចទើបអាចការពារកុំឲ្យវាស៊ីកូនរបស់យើងបាន? ពស់វែកនេះគ្រោះថ្នាក់ចំពោះពួកយើងណាស់។”
ឆ្កែព្រៃតបថា
“ ពួកឯងកុំអស់សង្ឃឹមអី យើងអាចកម្ចាត់សត្រូវបានដោយប្រើល្បិច។ មនុស្សធម្មតា បើសិនជាគាត់ឆ្លាត ការគេចវេសជាជ័យជម្នះរបស់អ្នកខ្លាំងជាង។ ក្រសារល្មោភមួយក្បាល ដែលស៊ីត្រីទាំងតូចទាំងធំ ត្រូវក្តាមសម្លាប់បាន!”
ក្អែកញីក៏សួរថា
“ រឿងនោះយ៉ាងម៉េចខ្លះ?”
ឆ្កែព្រៃក៏និយាយរឿង “ ក្រសារនិងក្តាម”
មាតិកា \ រឿងនិទាន\ បញ្ចតន្ត្រ\…
សំរាប់គំរោងទឹកស្អាតនៅកម្ពុជា។
