ឱសថទិព្វ…
កាសែតLemonde របស់បារាំងបានអោយដឹងថា អ្នកស្រាវជ្រាវអាមេរិចបានរកឃើញថា ថ្នាំ rapamycine អាចពន្យារអាយុកណ្តុរ អោយរស់បានយូរជាងមុនរហូតដល់ទៅ១៤ភាគរយ។
មន្ទីរពិសោធន៍ចំនួនបីរបស់អាមេរិច រួមមាន Université du Texas à San Antonio, l’Université du Michigan à Ann Arbor និង le Jackson Laboratory dans le Maine បានធ្វើការសិក្សាលើកណ្តុរចំនួន២០០០ក្បាល ដោយអោយចំនីដែលមានជាតិថ្នាំrapamycine ដល់វា។
ប៉ុន្តែអ្នកវិទ្យាសាស្ត្រមិនទាន់ធានាអះអាងអំពីលទ្ធផលយ៉ាងណាទៅលើមនុស្សនោះទេ។ ព្រោះថ្នាំនេះអាចមានផលអាក្រក់ទៅប្រព័ន្ធសរសៃឈាម បន្ទាប់មកទៀតគេមិនទាន់ដឹងច្បាស់លាស់អំពីកំរិតបរិមាណថ្នាំ(dose)ដែលត្រូវប្រើសំរាប់មនុស្សម្នាក់ៗនៅឡើយ។
សៀវភៅគណិតវិទ្យាភាគ២ version 2009
សៀវភៅគណិតភាគ២នេះ ជាការកែសំរួលពីសៀវភៅ គណិតវិទ្យាអូឡាំព្យ៉ាដភាគ២ របស់ខ្ញុំ ដែលបានផ្សាយកាលពីឆ្នាំ២០០៨។ សៀវភៅថ្មីនេះ ដាក់ចំនងជើងថា កំរងលំហាត់គណិតវិទ្យា កំរិតវិទ្យាល័យវិញ។ សៀវភៅនេះខ្ញុំរៀបចំជាផ្នែកដូចតទៅ៖
១) លំហាត់អនុគមន៍ងាយ អនុគមន៍សនិទាន៖ សមភាព សមីការ ប្រព័ន្ធសមីការ វិសមភាព វិសមីការ។
២) អនុគមន៍លោការីត ៖…
៣) អនុគមន៍ត្រីកោណមាត្រ៖…
៤) ដំនោះស្រាយ….
ប៉ុន្តែផ្នែកទី២ និងទី៣ ខ្ញុំមិនទាន់បានដាក់បញ្ចូលនៅក្នុងការផ្សាយលើកនេះនៅឡើយទេ។ ក្នុងសៀវភៅថ្មី នេះចំនួនលំហាត់បានបង្កើនដល់ ៣០០លំហាត់ជាង ដែលលើកមុនមានត្រឹមតែ១០០លំហាត់ជាងតែប៉ុណ្ណោះ។
ញញឹមទាំងបង្ខំ…
នៅពេលដែលម្តាយរបស់ដាលីណា សុំអោយនាងញញឹមមួយ..នេះជាស្នាមញញឹមទាំងបង្ខំរបស់នាង។
Barbecue ថ្ងៃអាទិត្យ
រូបផ្កានៅក្នុងឧទ្យានGayeulle ថតពេលទៅអាំងសាច់។ កម្មវិធីបញ្ចប់ដោយការច្រៀងការ៉ាអូខេនៅផ្ទះ ព្រោះមេឃដេញ។
តំលៃរបស់ស្រីនិងប្រុសនៅក្នុងសង្គមខ្មែរ
៙បុរសប្រៀបដូចជាមាស រីឯស្ត្រីប្រៀបដូចជាក្រដាស។ មាស បើទោះជាធ្លាប់ធ្លាក់ចូលក្នុងភក់ជ្រាំយ៉ាងណា កាលណាបើគេរើសយកមកលាងទឹកវិញ គង់នៅមានតំលៃជាមាសដដែល។ រីក្រដាសសវិញ សូម្បីតែស្នាមគំនូសខ្មៅដៃដ៏តូចមួយ បើទោះជាគេប្រឹងលុបដោយថ្នមៗយ៉ាងណា ក៏គង់បន្សល់នូវស្លាកស្នាមដែលធ្វើអោយបាត់តំលៃក្រដាសសនោះជាដរាប។
បុរសខ្មែរបើទោះជាខ្លួនខូចខិលយ៉ាងណា ក៏គង់ប្រាថ្នាស្ត្រីល្អបរិសុទ្ធ។ គេមានទស្សនៈមួយថា៖
ស្ត្រីម្នាក់បើធ្លាប់ខូចពីមុន ក៏គង់នឹងលួចខូចនៅថ្ងៃក្រោយទៀតមិនខាន។
ហើយបុរសជាច្រើននាក់ក៏មានទស្សនៈមួយការពារខ្លួនផងដែរ៖
មនុស្សដែលមិនធ្លាប់ខូច បើបានខូច ខូចលើសគេទៅទៀត។ មនុស្សដែលធ្លាប់ខូច ច្រើនតែថ្ងៃក្រោយកែខ្លួន លែងខូចទៀត។
ទ្រឹស្តីអស់នេះ គឺកើតពីមនុស្សប្រុសដែលខូចខិលអស់ចិត្ត ហើយចង់បានប្រពន្ធល្អបរិសុទ្ធនេះតែម្តង ហើយខំនិយាយការពារខ្លួន។តើនរណាទៅហ៊ានអះអាងថា មនុស្សប្រុសដែលធ្លាប់ខូចមុនរៀបការ មិនខូចទៅរកស្រីក្រៅទៀតនោះ?។ អ្នកដែលធ្លាប់ខូចនឹងមានបទពិសោធន៍ខាងខូចមិនអោយគេដឹង។ អ្នកមិនធ្លាប់ខូច បើខូចនឹងល្បីមិនខាន។ មនុស្សមិនធ្លាប់ខូចមិនប្រាកដថាជាមនុស្សមិនចេះខូចនោះទេ។ មនុស្សមិនធ្លាប់ខូចអាច៖
១) មនុស្សត្រឹមត្រូវ
២) មនុស្សគ្មានឱកាសនឹងខូច ដូចជាព្រោះអត់លុយ រូបអាក្រក់ ញ៉ែស្រីមិនបាន…។
មនុស្សប្រុសជាច្រើន ចាត់ទុកថា ការរអ៊ូរទាំ រករឿងរបស់ប្រពន្ធខ្លួននៅពេលដែលខ្លួនទៅរកស្រីក្រៅ រឺ គ្រាន់តែលេងសើចលែបខាយ ថាជាការប្រចណ្ឌខុសទំនង។
សូមពិចារណាម្តងទៀត។ អានបន្ថែម »
សំរាប់គំរោងទឹកស្អាតនៅកម្ពុជា។
